Leita



Vinsamlega sýnið biðlund
Lýsingu vantar

Viðhorf til torfhúsa

ÞMS
Spurningaskrá 2019-2

Viðhorf til torfhúsa

Þjóðminjasafn Íslands

Spurningaskrá 127

 

Spurningaskrá þessi er hluti af rannsókn á viðhorfi almennings til torfhúsa. Rannsókninni er ætlað að leiða í ljós hvaða sess torfhús skipa í hversdagslífi þjóðarinnar, minjavernd, fræðslu og ferðaþjónustu og hvort Íslendingar vilji vernda og nýta þannig hús með öðrum hætti en nú er gert. Viðhorf og álit fólks er ein af helstu forsendum þess að hægt verði að átta sig á minjagildi torfhúsa og hvort vilji er til að vernda þau, nýta og fjármagna viðhald þeirra. Með hugtakinu torfhús er átt við hús sem er að meira eða minna leyti hlaðið úr torfi og grjóti.

 

Að rannsókninni standa Þjóðminjasafn Íslands, Minjastofnun Íslands, Byggðasafn Skagfirðinga og Rannsóknamiðstöð ferðamála undir forystu Ferðamáladeildar Háskólans á Hólum, sem leiðir verkefnið.

 

Samhliða rannsókninni eru áform um að skrá torfhús og torfhúsaleifar á landinu því fjöldi standandi eða nýtanlegra torfhúsa er óþekktur. Þá verða torfhús þar sem yngri byggingarefni eru áberandi einnig skrásett (steinsteypa, bárujárn t.d.).

 

Myndin sýnir torfkirkjuna að Víðmýri í Skagafirði sem byggð var árið 1834. Kirkjan hefur verið í húsasafni Þjóðminjasafns Íslands frá 1936.

Leiðbeiningar

Þú getur valið á milli þess að svara með nafni eða nafnlaust en sem fyllstar upplýsingar eru æskilegar. Mikilvægt er að þú kynnir þér skilmálana og samþykkir þá til þess að sem flestir hafi aðgengi að svörunum. Eftir að þú hefur fyllt í reitina smellir þú á hnappinn „hefja svörun“. Þegar þú hefur lokið við að svara velur þú hnappinn „lokið“ og fara svör þín þá beint inn í þjóðháttasafnið. Ekki er hægt að vista svörin en mögulegt er að fara frá spurningaskránni og koma að henni aftur síðar ef glugginn er opinn og ekki slökkt á tölvunni eða vafranum. Svörin mega gjarnan vera löng og ítarleg. Þú getur sleppt þeim spurningum sem höfða ekki til þín.

 

HÉR er bæði hægt að skoða allar spurningarnar fyrirfram og sækja PDF-skjal. Jafnframt er bent á þann möguleika að skrifa svörin fyrst í ritvinnsluskjali (Word) og líma þau svo inn hér („hefja svörun“). Einnig má skila í tölvupósti til agust@thjodminjasafn.is.

 

Frekari upplýsingar eru veittar í síma 530 2294 en einnig má senda tölvupóst á agust@thjodminjasafn.is.