Tunnumerki Verktaka á Reyðarfirði, sem Jóhann Þorsteinsson, Hilmar Sigurjónsson og Friðjón Vigfússon voru aðallega í forsvari fyrir. Fyrirtækið saltaði síld frá árinu 1981 til 1994 (Hreinn Ragnarsson, 2007, 346).

Merkið er úr plasti og er rautt á litinn.

Tunnumerki, söltunarmerki. Lítil plata úr málmi eða öðru efni, líkist oft mynt. Yfirleitt merkt því fyrirtæki sem gaf það út. Tunnumerki giltu sem ávísun á opinberan gjaldmiðil, fyrir vinnu í  þágu fyrirtækisins, í þessu tilfelli fyrir söltun og niðurlögn á síld í tunnu. Orðin tunnumerki eða söltunarmerki finnast ekki í Orðabók Háskóla Íslands. Tunnumerki voru notuð á Íslandi á árunum 1920-1990, en ekki er útilokað að notkun þeirra hafi átt sér stað fyrr (Freyr Jóhannsson, 2006, 3).