Öskupoki, vélsaumaður úr hvítu silki. Faldaður efst. Á framhlið eru handsaumaðar myndir. Annars vegar af konu með bláa skuplu eða húfu á höfði og með rauðan klút um hálsinn. Hins vegar af rauðu hjarta, fljúgandi fölbleikum vængjum. Á bakhliðinni er handsaumað ártalið „1927“ með dökkgrænum þræði. Faldurinn við opið efst er þræddur niður með einföldum, fölbleikum þræði sem jafnframt er notaður til að rykkja opinu saman. Nokkuð er farið að sjá á pokanum. Nokkrir blettir eru í honum og silkiefnið farið að trosna á nokkrum stöðum.  

Allir munirnir nr. Þjms. 2019-82 koma frá sama gefanda og voru í eigu afa hans, Ólafs Daníelsson (f. 1905, d. 1980), klæðskerameistara á Akureyri. Hann vann á saumastofu Gefjunar.