Logbók Þorsteins Jónssonar flugmanns. Logbókin er brún að lit og á henni stendur: “Flugbók” í neðra hægra horni. Fyrsta færsla bókarinnar er skráð 18. maí 1960 og sú síðasta 4. september 1963.

Þorsteinn Jónsson fæddist 20. desember 1942. Hann lést 30. júní 2010. Þorsteinn hóf að stunda svifflug 14 ára að aldri. Hann lauk atvinnuflugmannsnámi með blindflugsréttindum árið 1963 og siglingafræðingsprófi og flugkennaraprófi árið 1964. Þorsteinn starfaði hjá flugskólanum Flugsýn að námi loknu og starfaði síðan hjá Loftleiðum á árunum 1964-1966, hjá Flugþjónustu Björns Pálssonar árin 1966-1968 og í Bandaríkjunum árin 1968-1972, m.a. sem lausráðinn flugmaður hjá leiguflugfélögum í Kaliforníu. Eftir það vann Þorsteinn hjá leiguflugi Sverris Þóroddssonar, Arnarflugi og Íslandsflugi. Flugskírteini Þorsteins var númer 545.