131 Hvað er í matinn? Sjálfbært, heilsusamlegt mataræði
Kafli 1 af 6 - Lýsing á mataræði
Lýstu mataræði þínu í daglegu lífi. Taktu fram ef þú skilgreinir mataræði þitt á ákveðinn hátt, og hvað felst í þeirri skilgreiningu.
Á morgnana finnst mér oftast best að borða lítið, oftast fæ ég mér kakó með kryddi og lækningasveppum, eða kaffi. Einstaka sinnum meira matarkyns, brauð, hrökkbrauð, egg, súpu, graut, ber, ávexti. Fer eftir árstíðum
Hádegið er oft undir hælinn lagt, stundum afgangar frá kvöldinu áður, egg, brauðsneið, grænmeti. Sleppi oft hádegismat ef ég hef fengið mér morgunmat og finn ekki til svengdar.
Aðalmáltíð dagsins er kvöldverðurinn þá borðar fjölskyldan oftast saman, fisk, grænmeti stöku sinnum kjöt.
Hversu lengi hefur þú aðhyllst þetta mataræði?
Ég var án kjöts í 23 ár, hóf að borða aftur kjöt fyrir uþb. 5 árum. Ég aðhyllist fyrst og fremst mat sem er hreinn án aukaefna, heimagerður og ef kostur er lífrænn, hef gert það öll mín fullorðinsár.
Kafli 2 af 6 - Ástæður og upplifun
Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?
Það sem hafði sennilega mestu áhryfin var að Kornmarkaðurinn opnaði á Skólavörðustíg. Það var nýr heimur sem opnaðist þar og við stelpurnar fórum að prufa okkur áfram með híðishrísgrjón, baunir og fleira. Forvitni og nýjung var sennilega eina ástæðan, ekki hægt að segja að ég hafi haldið mig við það mataræði.
Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?
Eftir að hafa kinnst Kornmarkaðinum fór maður að leita að uppskriftum sem pössuðu við hráefnið, svo leiddi eitt að öðru.
Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?
Já, það eru rúm 40 ár síðan ég tók mín fyrstu spor í Kornmarkaðinum. Ég hætti að borða kjöt og úrvalið af grænmeti og ávöxtum fór í gegnum árin vaxandi svo matreiðslan varð fjölbreyttari. Ég hef verið um 26 ára þegar ég hætti að borða kjöt, en fram að því borðaði ég allt og alskonar.
Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?
Ég er þeirrar skoðunar að hvert lífsskeið krefjist þess að mataræði sé aðlagað að breytingum á starfsemi líkamans. Í gegnum tíðina hef ég verið á allavega samsetningu mataræðis og ekki hægt að segja að ég hafi tileinkað mér algjörlega eitthvað eitt. Ég hef ítrekað breitt mataræði til að koma til móts við þarfir líkamans og heilsu. Það tekur oft tíma að finna út úr því hvar breytinga er þörf en eftir að það er fundið eru alltaf jákvæðar breytingar í kjölfarið.
Félagslífið breyttist töluvert þegar ég hvorki borðaði kjöt né drakk áfengi að neinu ráði.
Kafli 3 af 6 - Mataræðið í daglegu lífi, hindranir og tækifæri
Hvar verslar þú í matinn dags daglega? Hvað ræður því hvaða vörur rata í innkaupakörfuna? (Skiptir t.d. verðlag máli? Uppruni vörunnar? En markaðssetning og auglýsingar? Upplýsingar á pakkningum? Uppröðun í búðinni?)
Hvernig er aðgengi þar sem þú býrð að þeim mat eða hráefnum sem þú þarft til að geta farið eftir þínu mataræði?
Hversu mikinn áhuga hefur þú á mat og matargerð almennt? Er matur mikilvægur í þínu lífi? Hversu miklum tíma eyðir þú í að hugsa um, laga og neyta matar? Finnst þér gaman að prófa nýjar uppskriftir, eða jafnvel finna upp þínar eigin
Hvað einkennir góðan mat? (T.d. hvað varðar bragð, lykt, áferð, útlit eða aðra eiginleika).
Hvað einkennir gæða matvæli þegar kemur að þínu mataræði? Skiptir t.d. máli hvort varan er fersk eða unnin, með viðbættum efnum eða annað slíkt?
Er eitthvað sem þú saknar sérstaklega mikið úr þínu fyrra mataræði? Hvers vegna?
Hversu oft eldarðu mat heima hjá þér? Hvað þarf að vera til staðar í eldhúsinu svo þú getir farið eftir þínu mataræði? (Sérstök áhöld eða tæki, ákveðið mikið pláss eða annað?)
Ferðu oft út að borða? Hvert þá helst? Er auðvelt eða erfitt að panta mat á veitingastöðum sem hentar þínu mataræði?
Hverjar eru helstu hindranir sem þú hefur rekist á í daglegu lífi þegar kemur að mataræði þínu? Hvað myndi gera þér enn auðveldara fyrir að fara eftir þínu mataræði?
Kafli 4 af 6 - Heimili/fjölskylda, hefðir og kynjasjónarmið
Lýstu heimilisaðstæðum þínum. (Hversu margir búa á heimilinu? Eru börn á heimilinu? O.s.frv.). Fara allir á heimilinu eftir sama mataræði og þú? Ef ekki, hvernig hefur það áhrif?
Upplifir þú stuðning eða gagnrýni frá fjölskyldu, vinum eða vinnu/skólafélögum varðandi þitt mataræði? Skiptir það þig máli? Geturðu gefið dæmi?
Skipta matarhefðir þig máli, t.d. við hátíðahöld? Hefur þú þurft að aðlaga hefðir að mataræði þínu? Hvernig þá?
Hvað með veislur og matarboð? Þarftu að gera sérstakar ráðstafanir því tengt? Hvernig viðhorf hefur þú upplifað frá gestgjöfum eða öðrum gestum? Nefndu endilega dæmi.
Hefur þú tekið eftir sérstökum viðhorfum eða öðru tengdu mataræði þínu út frá kyni þínu? Ef svo er væri gagnlegt að fá dæmi.
Kafli 5 af 6 - Upplýsingaöflun og miðlun, sjálfbærni og heilsa
Hvert sækir þú helst upplýsingar, fróðleik, uppskriftir eða innblástur fyrir þitt mataræði? Endilega settu inn tengla á vefsíður eða samfélagsmiðla ef um slíkt er að ræða.
Finnst þér mikilvægt að fræða aðra um þitt mataræði? Hvers vegna og hvernig? / Hvers vegna ekki? Nefndu endilega dæmi.
Hvað felst í þínum huga í sjálfbærni í daglegu lífi?
Hvað felst í þínum huga í heilsusamlegu mataræði? Hvað/hvernig er hollur matur?
Kafli 6 af 6 - Að lokum
Sérð þú fyrir þér að halda áfram að fara eftir þessu mataræði um ókomna tíð?
Er eitthvað sem þú vilt bæta við sem hefur ekki komið fram nú þegar?
Við hvað starfar þú?
Hver er menntun þín?
Hefur þú einhverjar athugasemdir við þessa spurningaskrá?