Leita



Vinsamlega sýnið biðlund
Ártal2018-2022

LandÍsland
Kyn / Fæðingarár
heimildarm.
Kvenkyns / 1986

Nánari upplýsingar

Númer2022-1-716
AðalskráÞjóðhættir
UndirskráSpurningaskrár - Svör
SentMóttekið28.11.2023

Kafli 1 af 6 - Lýsing á mataræði

Lýstu mataræði þínu í daglegu lífi. Taktu fram ef þú skilgreinir mataræði þitt á ákveðinn hátt, og hvað felst í þeirri skilgreiningu.

Vegan að mestu leyti.


Hversu lengi hefur þú aðhyllst þetta mataræði?

Hálft ár strangt vegan, grænmetisæta í 3 ár fyrir það.



Kafli 2 af 6 - Ástæður og upplifun

Hvað varð til þess að þú snerir þér að þessu mataræði? Hverjar eru helstu ástæðurnar að baki ákvörðuninni og hvers vegna heldurðu þig við það?

Vil ekki borða dýr, finnst það ógeðslegt og ómannúðlegt.


Hvar heyrðirðu fyrst um þetta mataræði? Hvernig átti breytingin sér stað? Skyndilega eða smám saman?

Hætti smám saman að geta borðað dýr, svo þróaðist það alveg út í grænmetisfæði og svo veganisma.


Hafa áherslur þínar eða viðhorf eitthvað breyst síðan þú byrjaðir á þessu mataræði? Geturðu gefið dæmi?

Borða svipaðan mat í grunninn, nema meiri baunir og tófú.


Hefurðu upplifað einhverjar breytingar á þér sjálfri/sjálfum/sjálfu í kjölfarið á breyttu mataræði? T.d. breytingar á líðan (líkamlegri eða andlegri), bragðskyni, hegðun, áhugamálum eða félagslífi? Ef svo er, geturðu lýst breytingunum eða gefið dæmi?

Erfiðara að fara út að borða, ekki margir staðir með góðan vegan mat. Erfitt að horfa á flesta aðra borða mötuneytismatinn í vinnunni og fá ekkert fyrir mig þar. Hef ekki orðið heilbrigðari af því við borðum of mikið ruslfæði.



Kafli 3 af 6 - Mataræðið í daglegu lífi, hindranir og tækifæri

Hvar verslar þú í matinn dags daglega? Hvað ræður því hvaða vörur rata í innkaupakörfuna? (Skiptir t.d. verðlag máli? Uppruni vörunnar? En markaðssetning og auglýsingar? Upplýsingar á pakkningum? Uppröðun í búðinni?)

Krónan. Vel alltaf íslenskt fyrst og það sem er ekki til íslenskt kaupi ég lífrænt. Pæli ekki mikið í verði.


Hvernig er aðgengi þar sem þú býrð að þeim mat eða hráefnum sem þú þarft til að geta farið eftir þínu mataræði?

Mjög gott í Reykjavík, margfalt betra en þegar ég bjó á Akureyri.


Hversu mikinn áhuga hefur þú á mat og matargerð almennt? Er matur mikilvægur í þínu lífi? Hversu miklum tíma eyðir þú í að hugsa um, laga og neyta matar? Finnst þér gaman að prófa nýjar uppskriftir, eða jafnvel finna upp þínar eigin

Mikinn áhuga á mat og matargerð. Eyði of miklum tíma í að pæla í mat og borða. Prófa oft nýjar uppskriftir eða bulla eitthvað sjálf.


Hvað einkennir góðan mat? (T.d. hvað varðar bragð, lykt, áferð, útlit eða aðra eiginleika).

Gott bragð er það mikilvægasta, ekki of bragðlaus.


Hvað einkennir gæða matvæli þegar kemur að þínu mataræði? Skiptir t.d. máli hvort varan er fersk eða unnin, með viðbættum efnum eða annað slíkt?

Fersk vara frá Íslandi er alltaf best í mínum huga, lífrænt ferskvara þar á eftir. Kaupi sem minnst með viðbættum efnum.


Er eitthvað sem þú saknar sérstaklega mikið úr þínu fyrra mataræði? Hvers vegna?

Að geta valið úr úrvali á veitingastöðum og þurfa ekki að pæla í því eins og núna.


Hversu oft eldarðu mat heima hjá þér? Hvað þarf að vera til staðar í eldhúsinu svo þú getir farið eftir þínu mataræði? (Sérstök áhöld eða tæki, ákveðið mikið pláss eða annað?)

Elda nokkrum sinnum í viku, er alltaf að reyna að elda oftar. Þarf bara ofn og helluborð í rauninni.


Ferðu oft út að borða? Hvert þá helst? Er auðvelt eða erfitt að panta mat á veitingastöðum sem hentar þínu mataræði?

Kaupum mikið af skyndibita take away. Erfitt að finna staði með góðan mat, hvað þá hollan.


Hverjar eru helstu hindranir sem þú hefur rekist á í daglegu lífi þegar kemur að mataræði þínu? Hvað myndi gera þér enn auðveldara fyrir að fara eftir þínu mataræði?

Meira úrval alls staðar og að fleiri væru opnari fyrir þessu.



Kafli 4 af 6 - Heimili/fjölskylda, hefðir og kynjasjónarmið

Lýstu heimilisaðstæðum þínum. (Hversu margir búa á heimilinu? Eru börn á heimilinu? O.s.frv.). Fara allir á heimilinu eftir sama mataræði og þú? Ef ekki, hvernig hefur það áhrif?

Par með 10 mánaða barn. Maki er ekki vegan, borðar allt. Maki borðar allt sem ég elda en segist sakna að fá ekki kjötið eða fiskinn sinn. En barnið verður amk grænmetisæta.


Upplifir þú stuðning eða gagnrýni frá fjölskyldu, vinum eða vinnu/skólafélögum varðandi þitt mataræði? Skiptir það þig máli? Geturðu gefið dæmi?

Meiri gagnrýni almennt. Fólki finnst þetta skrítið sem ég skil ekki, ég skil ekki hvernig það getur borðað dauð dýr en ég segi ekkert um það en samt þurfa allir að gagnrýna það sem ég geri. "þú borðar það sem maturinn minn borðar", "gæti aldrei hætt að borða kjöt", "hvar færðu prótein og næringu?"


Skipta matarhefðir þig máli, t.d. við hátíðahöld? Hefur þú þurft að aðlaga hefðir að mataræði þínu? Hvernig þá?

Hefur tekist vel að aðlaga það, svo mikið úrval í boði núna. Breytti hamborgarhrygg í vegan wellington eða neatloaf. Auðvelt að veganvæða allt meðlæti og eftirmat.


Hvað með veislur og matarboð? Þarftu að gera sérstakar ráðstafanir því tengt? Hvernig viðhorf hefur þú upplifað frá gestgjöfum eða öðrum gestum? Nefndu endilega dæmi.

Ég þarf stundum að taka með mér eða spyrjast um fyrirfram. Oft kemur leiðinlegt viðmót og fólk nennir þessu ekki, sérstaklega í tenglsum við vinnuna. Í stórum veislum eins og brúðkaupum, skírnum og fermingum borða ég nánast ekkert og þegi bara um það til að láta fólki ekki líða illa.


Hefur þú tekið eftir sérstökum viðhorfum eða öðru tengdu mataræði þínu út frá kyni þínu? Ef svo er væri gagnlegt að fá dæmi.

Nei ekki tengt kyni.



Kafli 5 af 6 - Upplýsingaöflun og miðlun, sjálfbærni og heilsa

Hvert sækir þú helst upplýsingar, fróðleik, uppskriftir eða innblástur fyrir þitt mataræði? Endilega settu inn tengla á vefsíður eða samfélagsmiðla ef um slíkt er að ræða.

Instagram (Hilduromarsd og veganistur) og Vegan Ísland á Facebook.


Finnst þér mikilvægt að fræða aðra um þitt mataræði? Hvers vegna og hvernig? / Hvers vegna ekki? Nefndu endilega dæmi.

Ég yfirleitt nenni því ekki, oft enginn tilgangur í að eyða orku í það.


Hvað felst í þínum huga í sjálfbærni í daglegu lífi?

Að vera ekki að eyða í óþarfa, minnka matarsóun, bensínskostnað, fatakaup og því um líkt. Ásamt því að borða vegan mataræði. Kaupa sem mest íslenskt.


Hvað felst í þínum huga í heilsusamlegu mataræði? Hvað/hvernig er hollur matur?

Nóg af grænmeti, ávöxtum, baunum og tófú. Sem minnst unninn matur og ruslmatur, lítil sykurneyslu.



Kafli 6 af 6 - Að lokum

Sérð þú fyrir þér að halda áfram að fara eftir þessu mataræði um ókomna tíð?

Já gæti aldrei farið til baka.


Er eitthvað sem þú vilt bæta við sem hefur ekki komið fram nú þegar?
Við hvað starfar þú?

Grunnskólakennari.


Hver er menntun þín?

B.sc. í umhverfis og orkufræði
2 diploma á menntasviði.


Hefur þú einhverjar athugasemdir við þessa spurningaskrá?

Þetta aðfang er í Þjóðminjasafni Íslands. Safnið varðveitir um 7 milljónir mynda, um 130 þúsund muni og rúmlega 26 þúsund færslur um þjóðhætti. Í húsasafni eru um 60 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.

Verðskrá myndapantana