Úr aðfangabók:
Prédikunarstóll, frá Hraungerðiskirkju í Árnessýslu.  Hann er smíðaður , úr furu, sem sjóstrendingur er vantar í 2 hliðarnar.  H. 115 cm., hver hlið um 38 cm. að br. að utanverðu umhverfis að neðan hafa verið listar, sem nú eru af, og að ofan er listi og stór brún, um 12 cm. að br. að ofanverðu, og ómáluð þar.  Fyrir ofan fótlistann eru mjóir listar og skrifleturs-áletrun á milli: sömuleiðis eru mjóir listar fyrir neðan brúnina og undirlista hennar, og áletrun þar á milli, en þessi áletrun er svo:  Sæler eru - þer sé heyra - Guðs orð - z varðveita þ: á yztu hlið til hægri er  engin áletrun njé mynd: hún er mahognýmáluð og hefur snúið að suðurvegg kirkjunnar.  Áletrunin að neðan er þannig:  Vakna þú upp - sem sefur og - mun Christ= - upplysta þig.  Hliðarnar eru settar saman hver fyrir sig sem umgerð um spjald, en guðspjallamennirnir málaðir á spjöldin, Lúkas, Markús, Mattheus og Jóhannes.  Þeir standa bakvið súlnahlið og einkennisverur þeirra hjá þeim. SL er yfir Lúkasi (s Sametus Sveas).  Spjöldin eru 55,5x2 að st.  Myndirnar óvandaðar en ekki alls kostar illa gerðar samt.  Næst þeim eru umgerðirnar svartar, en við brúnir rauðar: gul strik innst.  Listarnir eru bláir og rauðir, og marmaramálaður listinn undir brúninni.  Að innan er stóllinn ómálaður.  Vafalaust íslenskur og líklega frá öndverðri 17. öld.

Old pulpit from Hraungerði church, believed to date from the early 17th century.
(Sigrún Blöndal, 10.2.2011)