Leita



Vinsamlega sýnið biðlund
EfnisatriðiStúdentagarður
Ártal2010-2012
Spurningaskrá116 Hvernig er að búa á Stúdentagörðum?

Sveitarfélag 1950Reykjavík
Núv. sveitarfélagReykjavík
SýslaGullbringusýsla
LandÍsland
Kyn / Fæðingarár
heimildarm.
Kvenkyns / 0

Nánari upplýsingar

Númer2012-1-112
AðalskráÞjóðhættir
UndirskráSpurningaskrár - Svör
Sent/Móttekið13.4.2012/26.4.2012
TækniTölvuskrift

Svörin eru aðeins aðgengileg á innri vef Sarps vegna tæknilegs umbúnaðar. Hafið samband við Þjóðháttadeild Þjms. eða bókasafn.


Kafli 1 af 6 - Íbúðin

Hversu lengi hefur þú búið á Stúdentagörðum?

Tæp 2 ár.


Hvar bjóst þú áður?

Í eigin íbúð í Kópavogi.


Hvernig er að búa í stúdentaíbúð?

Alveg frábært.


Hve miklum tíma eyðir þú/þið í íbúðinni?

Að meðaltali svona 15 tímum á sólarhring.


Hvenær er gott að vera þar og hvenær ekki?

Hér er alltaf gott að vera, bæði á daginn, kvöldin og nóttinni.


Hverjir eru helstu kostir íbúðarinnar? En gallar?

Kostir: Staðsetning, nágrannar, ódýr leiga. Gallar: Íbúðum illa viðhaldið.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 2 af 6 - Heimilið

Hvað var það fyrsta sem var gert þegar flutt var inn í íbúðina (t.d. þrifið, kveikt á kertum, loftað út, settar upp gardínur)?

Allt þrifið hátt og lágt.


Hvenær varð íbúðin að „heimili“ og hvað var það einkum sem gerði hana að því?

Þegar búið var að koma öllu vel fyrir, hengja upp myndir. Þetta var svona viku eftir flutninga.


Finnst þér að heimilið segi eitthvað um þig/ykkur eða vera einkennandi fyrir þig/ykkur? Að hvaða leyti?

Já heimilið segir margt um íbúana. Hér er bæði snyrtilegt og huggulegt sem lýsir íbúum vel.


Hvað finnst þér vera heimilislegt (t.d. lykt, hljóð, birta/lýsing, tónlist)?

Góð matarlykt og rólegt andrúmsloft. Allir saman við matarborðið er heimilislegt.


Gerir þú eitthvað til að skapa heimilislega stemmningu? Hvað, ef svo er?

Já eins oft og ég get. Þá baka ég, elda góðan mat og bý til góða samverustund.


Hvernig er draumaheimilið? Lýstu því hvernig þér finnst að hið fullkomna heimili eigi vera.

Lítið huggulegt kot, fullt af fallegum munum sem segja sögu heimilisfólksins.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 3 af 6 - Nágrannarnir

Hvernig eru samskipti við nágranna? Á fólk mikið/lítið sameiginlegt (t.d. partý, barnapössun, heimsóknir)?

Samskipti hér eru mjög góð og margir mynda hér sterk vinasambönd. Mikil samskipti íbúa eru til staðar í gegn um hóp okkar á samskiptavefnum facebook. Ekki mikið um partý hér á fjölskyldugörðunum


Hvernig er sameignin notuð?

Mikið notuð í leik barnanna. Einnig fyrir húsfundi og ýmsar samkomur. Pókerkvöld, öskudagsskemmtun, páskaföndur ofl.


Leika börnin (ef einhver) sér saman?

Já þau leika sér mjög mikið saman.


Um hvað snúast helstu ágreiningsmálin (t.d. hávaða, umgengni, vonda lykt)?

Umgengni í þvottahúsinu og almennt bætingu á umgangi á sameign.


Reynir þú að kynnast nágrönnum þínum eða heldur þú ákveðinni fjarlægð frá þeim?

Ég reyni að halda ákveðinni fjarlægð.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 4 af 6 - Ljósmyndun, útlit heimilisins

Í þessum hluta ert þú beðin(n) um að taka ljósmyndir af íbúðinni. Í fyrsta lagi er um að ræða yfirlitsmyndir af hverju rými fyrir sig (eldhús, stofa, herbergi/alrými, bað) þar sem greina má glugga, hurðir, húsgögn og innréttingar (5-10 myndir). Í öðru lagi er um að ræða persónulegri nálgun þar sem þú ert beðin(n) um að taka myndir af hlutum, veggskrauti og húsgögnum sem þér eru mikilvæg og af uppáhaldsstaðnum þínum í íbúðinni (5-10 myndir). Þú ert beðin(n) um að merkja myndirnar með tölustöfum og segja frá vali á myndefni og því sem fyrir augu ber á hverri mynd fyrir sig. Mynd 1: Þetta er eldhúsið eins og það leggur sig. Mynd 2: Ónýtanlegt horn, skrifborð og sjónvarp. Mynd 3: Hinn helmingurinn af stofunni, sófi, og barnahorn. Mynd 4: Gangur, mynd af París frá ikea. Mynd 5: Klósettið, ekki mikið sem hægt er að segja. Mynd 6: Skiptidýna, það var allavega hugsað fyrir plássi fyrir henni. Mynd 7: Fjólublá útihurð í stíl við gólfið. Mynd 8: Svefnherbergið, tveir krummar sem hanga á veggnum. Mynd 9: Mynd 10: Mynd 11: Mynd 12: Mynd 13: Mynd 14: Mynd 15: Mynd 16: Mynd 17: Mynd 18: Mynd 19: Mynd 20:

Myndir sýna stofu, þar sem ég sef á svefnsófa, eldhús, forstofu, bað og svo barnaherbergi.


Hvað hangir á veggjunum?

Málverk, aðallega eftir móður mína.


Hver saumaði gardínurnar?

Ég sjálf.


Hvaðan koma húsgögnin? Eru þau ný eða notuð (t.d. frá nytjamörkuðum, skyldfólki, keypt sérstaklega fyrir þessa íbúð, voru í fórum þínum áður)?

Mikið kemur sem arfur úr fjölskyldu minni en eitthvað er líka nýtt, ekki mikið keypt sérstaklega hingað inn, átti flest úr fyrra búi.


Eru einhver húsgögn þér kærari eða mikilvægari en önnur? Hvers vegna?

Já gamli skápurinn í stofunni sem kemur frá lang afa mínum.Hvað með skraut og smámuni? Vekja þeir upp einhverjar minningar/sögur?


Hvað með skraut og smámuni? Vekja þeir upp einhverjar minningar/sögur? Segðu frá þeim.

Ljósmyndir af dóttur minni skipta mig mestu máli.


Hér getur þú svarað öllum spurningunum í þessum kafla, nema þeirri fyrstu, í samfelldu máli og algerlega frjálst, ef að þér finnst það betra.

Kafli 5 af 6 - Uppvaxtarheimilið

Segðu frá æsku- og uppvaxtarheimili þínu í grófum dráttum. Hversu margir voru í heimili? Hve stór var íbúðin eða húsið? Var oft flutt á milli staða? Ef svo er, voru sérstakar ástæður fyrir því?

Alin upp hjá giftum foreldrum með 1 bróður. Bjuggum á 2 stöðum, bæði stór raðhús. Ekki mikið flutt.


Að hvaða leyti sækir þú fyrirmyndir til æskuheimilisins í sköpun eigin heimilis? Hvað reynir þú að forðast að taka til fyrirmyndar? Hvernig aðgreinir þú þitt heimili frá æskuheimilinu?

Ég reyni að forðast skammir og nöldur af æskuheimilinu. Annars reyni ég að skapa mitt eigið heimili frá grunni án fyrirmynda.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 6 af 6 - Persónulegar upplýsingar

Viltu að svör þín verði varðveitt ópersónugreinanleg? Ef ekki er tekin afstaða til þessa er litið svo á að ekki sé óskað nafnleyndar.

Nafnleyndar er óskað.


Mikilvægt er að fá lágmarks upplýsingar um þá heimildarmenn sem óska nafnleyndar. Þeir sem þess óska eru vinsamlegast beðnir um greina frá eftirtöldum atriðum: Kyn: Aldur: Starf: Menntun/í hvaða námi: Fjölskylduhagir: Þjóðerni: Tegund íbúðar:

Kyn: KvenkynAldur: 28 áraStarf: Gagnasöfnun í gegnum síma í kvöldvinnu.Menntun/í hvaða námi: Nemi í grunnnámi í hagfræðiFjölskylduhagir: Einstæð með 1 barn.Þjóðerni: ÍslandTegund íbúðar: 2 herb. Fjölskylduíbúð.


Þetta aðfang er í Þjóðminjasafni Íslands. Safnið varðveitir um 7 milljónir mynda, um 130 þúsund muni og rúmlega 26 þúsund færslur um þjóðhætti. Í húsasafni eru um 60 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.

Verðskrá myndapantana