Leita



Vinsamlega sýnið biðlund
EfnisatriðiStúdentagarður
Ártal2011-2012
Spurningaskrá116 Hvernig er að búa á Stúdentagörðum?

Sveitarfélag 1950Reykjavík
Núv. sveitarfélagReykjavík
SýslaGullbringusýsla
LandÍsland
Kyn / Fæðingarár
heimildarm.
Karlkyns / 0

Nánari upplýsingar

Númer2012-1-115
AðalskráÞjóðhættir
UndirskráSpurningaskrár - Svör
Sent/Móttekið13.4.2012/26.4.2012
TækniTölvuskrift

Svörin eru aðeins aðgengileg á innri vef Sarps vegna tæknilegs umbúnaðar. Hafið samband við Þjóðháttadeild Þjms. eða bókasafn.


Kafli 1 af 6 - Íbúðin

Hversu lengi hefur þú búið á Stúdentagörðum?

Í 8 mánuði.


Hvar bjóst þú áður?

Heima hjá foreldrum mínum á Selfossi.


Hvernig er að búa í stúdentaíbúð?

Það er ágætt, þó þykir mér frekar leiðinlegt að búa einn.


Hve miklum tíma eyðir þú/þið í íbúðinni?

Ég myndi segja að ég myndi eyða svona 10-12klst á sólarhring í henni.


Hvenær er gott að vera þar og hvenær ekki?

Það er oftast mjög fínt nema þegar iðnaðarmaðurinn í blokkinni á móti fer að slíparokka kl. 8 á morgnanna.


Hverjir eru helstu kostir íbúðarinnar? En gallar?

Kostirnir eru klárlega staðsetningin, mjög þægilegt að vera svona nálægt miðbænum og skemmtanalífinu, en einnig hvað maður er nálægt skólanum, nálægt Bónus og mörgum matsölustöðum.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 2 af 6 - Heimilið

Hvað var það fyrsta sem var gert þegar flutt var inn í íbúðina (t.d. þrifið, kveikt á kertum, loftað út, settar upp gardínur)?

Ég setti dýnu í hornið og fór út að kíkja á næturlífið á menningarnótt.


Hvenær varð íbúðin að „heimili“ og hvað var það einkum sem gerði hana að því?

Hún hefur í rauninni aldrei orðið það, ekki gert hana neitt heimilislega, og ég hef eytt öllum lengri fríum heima hjá mér á Selfossi.


Finnst þér að heimilið segi eitthvað um þig/ykkur eða vera einkennandi fyrir þig/ykkur? Að hvaða leyti?

Bara ekki neitt.


Hvað finnst þér vera heimilislegt (t.d. lykt, hljóð, birta/lýsing, tónlist)?

Bökunarlykt.


Gerir þú eitthvað til að skapa heimilislega stemmningu? Hvað, ef svo er?

Nei ekki neitt.


Hvernig er draumaheimilið? Lýstu því hvernig þér finnst að hið fullkomna heimili eigi vera.

Allt svart og hvítt, eins og íbúðin hjá Vincent í Black Swan.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 3 af 6 - Nágrannarnir

Hvernig eru samskipti við nágranna? Á fólk mikið/lítið sameiginlegt (t.d. partý, barnapössun, heimsóknir)?

Bara nánast ekki nein, góðan daginn á göngunum og ekki mikið meira.


Hvernig er sameignin notuð?

Ég nota hana ekki neitt.


Leika börnin (ef einhver) sér saman?

I do not have babies.


Um hvað snúast helstu ágreiningsmálin (t.d. hávaða, umgengni, vonda lykt)?

Það hafa ekki komið upp nein ágreiningsmál.


Reynir þú að kynnast nágrönnum þínum eða heldur þú ákveðinni fjarlægð frá þeim?

Ég myndi klárlega segja að ég reyni að halda ákveðinni fjarlægð.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 4 af 6 - Ljósmyndun, útlit heimilisins

Í þessum hluta ert þú beðin(n) um að taka ljósmyndir af íbúðinni. Í fyrsta lagi er um að ræða yfirlitsmyndir af hverju rými fyrir sig (eldhús, stofa, herbergi/alrými, bað) þar sem greina má glugga, hurðir, húsgögn og innréttingar (5-10 myndir). Í öðru lagi er um að ræða persónulegri nálgun þar sem þú ert beðin(n) um að taka myndir af hlutum, veggskrauti og húsgögnum sem þér eru mikilvæg og af uppáhaldsstaðnum þínum í íbúðinni (5-10 myndir). Þú ert beðin(n) um að merkja myndirnar með tölustöfum og segja frá vali á myndefni og því sem fyrir augu ber á hverri mynd fyrir sig. Mynd 1: Þetta er eldhúsið eins og það leggur sig. Mynd 2: Ónýtanlegt horn, skrifborð og sjónvarp. Mynd 3: Hinn helmingurinn af stofunni, sófi, og barnahorn. Mynd 4: Gangur, mynd af París frá ikea. Mynd 5: Klósettið, ekki mikið sem hægt er að segja. Mynd 6: Skiptidýna, það var allavega hugsað fyrir plássi fyrir henni. Mynd 7: Fjólublá útihurð í stíl við gólfið. Mynd 8: Svefnherbergið, tveir krummar sem hanga á veggnum. Mynd 9: Mynd 10: Mynd 11: Mynd 12: Mynd 13: Mynd 14: Mynd 15: Mynd 16: Mynd 17: Mynd 18: Mynd 19: Mynd 20:
Hvað hangir á veggjunum?

Ekki neitt.


Hver saumaði gardínurnar?

Mamma mín reddaði þeim.


Hvaðan koma húsgögnin? Eru þau ný eða notuð (t.d. frá nytjamörkuðum, skyldfólki, keypt sérstaklega fyrir þessa íbúð, voru í fórum þínum áður)?

Rúmið fékk ég hjá systur minni, lampann fékk ég í gjöf og eldhúsborðið fékk ég lánað hjá vinkonu minni.


Eru einhver húsgögn þér kærari eða mikilvægari en önnur? Hvers vegna?

Nei í rauninni ekki.


Hvað með skraut og smámuni? Vekja þeir upp einhverjar minningar/sögur? Segðu frá þeim.

Ég er án gríns ekki með neitt slíkt. Er ég leiðinlegasti og þurrasti persónuleiki heims?


Hér getur þú svarað öllum spurningunum í þessum kafla, nema þeirri fyrstu, í samfelldu máli og algerlega frjálst, ef að þér finnst það betra.

Kafli 5 af 6 - Uppvaxtarheimilið

Segðu frá æsku- og uppvaxtarheimili þínu í grófum dráttum. Hversu margir voru í heimili? Hve stór var íbúðin eða húsið? Var oft flutt á milli staða? Ef svo er, voru sérstakar ástæður fyrir því?

Ég bjó á Langholtsvegi í (108?) Reykjavík þangað til ég var 9 ára. Í kjallaraíbúð þar sem var þó alveg frekar rúmgóð, myndi giska á svona 100fm. Þegar ég var 9 ára fluttum við á Selfoss í 160+fm hús á tveimur hæðum og höfum búið þar síðan. Ég held að mamma og pabbi hafi bara flutt á Selfoss vegna þess að þau eru bæði frá suðurlandi og vildu vera nær fjölskyldum sínum.


Að hvaða leyti sækir þú fyrirmyndir til æskuheimilisins í sköpun eigin heimilis? Hvað reynir þú að forðast að taka til fyrirmyndar? Hvernig aðgreinir þú þitt heimili frá æskuheimilinu?

Bara engu leyti, íbúðin mín er aðeins of þurr og leiðinleg og ég er ekki með nein skemmtileg húsgögn eða eitthvað í þá áttina. Án gríns fólk hefur sagt við mig að það sé eins og að vera inn á stofnun á vera heima hjá mér. Ef það er eitthvað sem ég forðast að taka til fyrirmyndar þá er það það að vera með of mikið af dóti inn í henni.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 6 af 6 - Persónulegar upplýsingar

Viltu að svör þín verði varðveitt ópersónugreinanleg? Ef ekki er tekin afstaða til þessa er litið svo á að ekki sé óskað nafnleyndar.
Mikilvægt er að fá lágmarks upplýsingar um þá heimildarmenn sem óska nafnleyndar. Þeir sem þess óska eru vinsamlegast beðnir um greina frá eftirtöldum atriðum: Kyn: Aldur: Starf: Menntun/í hvaða námi: Fjölskylduhagir: Þjóðerni: Tegund íbúðar:

Kyn: KK Aldur: 23 ára Starf/ menntun/í hvaða námi: Viðskiptafræði Fjölskylduhagir: Einhleypur Þjóðerni: Íslenskur, cacausian. Tegund íbúðar: Einstaklingsíbúð


Þetta aðfang er í Þjóðminjasafni Íslands. Safnið varðveitir um 7 milljónir mynda, um 130 þúsund muni og rúmlega 26 þúsund færslur um þjóðhætti. Í húsasafni eru um 60 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.

Verðskrá myndapantana