19 Sumardagurinn fyrsti

Nr. 2577

p1
Dreymt fyrir sumri: Ekki orð á því gert almennt. Sumarboðar, engir það ég man. Sumarmálahret: Það var talið alegengt að gerði illviðri að þá mundi verða gott veðurfar á eftir. Ekki sérstaklega sumarmálahretið heldur t.d. páskahret, fardagahret ofl. Heyrði aldrei neitt um sumartunglið. Veitingar: Hjá okkur var það aðallega að taka á móti Hörpu og skyldu drengir og ógiftir menn annast það. Stúlkur áttu að taka á móti einmánuði. Var það oftast nær pönnukökur eða lummur með morgunkaffinu.

p2
Sumardagsnóttin fyrsta: Það var almennt tekið mikið mark á því hvort frysi saman sumar og vetur, sem kallað var. Það er að frost yrði um nóttina fyrir fyrsta sumardag. Ef svo var, þá átti að verða þurrkasumar og góð nýting á heyjum og skepnum. En þá var alls staðar fært frá og ásauðir nýttir til mjólkur. Enda var það eina smjörgerðin og skyr og sýruöflun handa heimilunum og leigugjöld með meiru. En ef óþurrkasumur komu nýttust hey illa og eins allur mjólkurfénaður. Öll önnur viðbrögð, húslestrar ofl. var þá að deyja út, en var í fersku minni alls eldra fólks og mikið um talað sem minningar frá fyrri tímum.