Maður í prestahempu með prestakraga með aðra hendi í vasa en hina lausa með síðu. Hann horfir fram og vitað er að hann var orðinn blindur þegar myndin var tekin. Fyrir framan hann liggja prjónar og er eitthvað á prjónunum. Dægrastytting hans eftir að hann missti sjónina var að prjóna. 

Myndin er talin vera eftirtaka eftir daguerreótýpu sem Siggeir Pálsson muni hafa tekið. Hann var annar tveggja Íslendinga sem lærði að taka myndir með þeirri aðferð og var búsettur á Eskifirði í námunda við Vallanes. Tímasetning myndar byggir á komuári Siggeirs á Eskifjörð og dánarári Guttorms.

Guttormur er talinn vera elsti Íslendingur sem til er ljósmynd af. Hann var fæddur 1775.