Leita



Vinsamlega sýnið biðlund
Lýsingu vantar

Laufabrauðshefðir

ÞMS
Spurningaskrá 2020-3

Laufabrauðshefðir

Þjóðminjasafn Íslands

Spurningaskrá 130

 

Markmiðið með þessari spurningaskrá er að safna frásögnum um laufabrauðsgerð og eigin reynslu eða upplifanir fólks af henni. Söfnunin er unnin í samstarfi við verkefnið Lifandi hefðir hjá Stofnun Árna Magnússonar og meistaranema í þjóðfræði við Háskóla Íslands. Á grundvelli svara við spurningaskránni, og viðtala sem tekin hafa verið, skapast fræðilegar undirstöður til að vinna að hugsanlegri tilnefningu laufabrauðshefðarinnar á lista UNESCO yfir óáþreifanlegan menningararf heims.

Þær frásagnir sem berast verða varðveittar í menningarsögulega gagnagrunninum Sarpi og gerðar öllum aðgengilegar, nema annað sé tekið fram. Nöfn heimildarmanna birtast ekki á netinu.

Laufabrauð er fyrst nefnt í heimildum frá 18. öld, en ekki er vitað hvenær það var fyrst búið til. Þess er næst getið á síðari hluta 19. aldar og er þá aðallega bundið við Norður- og Norðausturland. Brauðið var einkum haft til hátíðabrigða um jólin. Laufabrauðsgerð hefur átt auknum vinsældum að fagna og víða verið tekin upp, sérstaklega eftir 1950.

 

Myndin sýnir konu steikja laufabrauð um 1960-1965. (Þjóðminjasafn Íslands. Lpr-2005-98)

Leiðbeiningar

Mikilvægt er að þú kynnir þér skilmálana og samþykkir þá til þess að sem flestir hafi aðgengi að svörunum. Eftir að þú hefur fyllt í reitina smellir þú á hnappinn „hefja svörun“. Þegar þú hefur lokið við að svara velur þú hnappinn „lokið“ og fara svör þín þá beint inn í þjóðháttasafnið. Ekki er hægt að vista svörin en mögulegt er að fara frá spurningaskránni og koma að henni aftur síðar ef glugginn er opinn og ekki slökkt á tölvunni eða vafranum. Svörin mega gjarnan vera löng og ítarleg. Jafnframt er bent á þann möguleika að skrifa svörin fyrst í ritvinnsluskjali (Word) og líma þau svo inn hér („hefja svörun“). Einnig má skila í tölvupósti á thjodhattasafn@thjodminjasafn.is.

Þeir sem kjósa að tala svör sín inn á upptökutæki geta sent hljóð- eða vídeóupptökur með We Transfer hérna. Hið sama gildir um ljósmyndir. Móttökunetfangið er thjodhattasafn@thjodminjasafn.is. - Einfaldast er að nota farsíma við upptökurnar. 

HÉR er hægt að skoða allar spurningarnar fyrirfram og sækja PDF-skjal.

Frekari upplýsingar eru veittar í síma 530 2294 en einnig má senda tölvupóst á  thjodhattasafn@thjodminjasafn.is.